مصر وحكاية الجراد

يتسم المصريون بالظرف وخفة الدم حتي في أصعب الظروف والمواقف إذ تُعد السخرية سلاحا من أسلحة التغلب علي الموقف ! والتاريخ مليء بالمشاهد الدالة علي فعالية الظُرف ويقال أن ظُرف دول حوض البحر المتوسط قد أختزل وصب جله في مجري الظُرف المصري ليكون الظرف المصري هو الأبرز .

وما دعاني إلي تلك الوقفة هو ما قرأته طوال الأيام الماضية عن المحروسة حيث يعيش أبناء الكنانة هذه الأيام في حرب غير مسبوقة مع الجراد الذي وجد في واديها والدلتا الخضراء المرتع الخصب لإشباع نهمه ولم يكتف الجراد بمهاجمة الريف والمزارع الخضراء وإنما وصل بأسرابه التي كونت سحابة غطت عين الشمس إلي قاهرة المعز ودخول مرافقها ووزاراتها بما فيها وزارة الزراعة المعنية بالزراعة ومقاومة الآفات فخرجت الصحف تسخر وتتهكم من تصريحات الوزير التي تؤكد القضاء علي الظاهرة تماماً وإلي الدرجة التي دعت رسام الكاريكاتير الشهير مصطفي حسين أن يرسم وزير الزراعة وهو يطمئن الناس بالقضاء علي الجراد بينما تقف علي رأسه جرادة ! .. أيضاً يوجد كاريكاتير لنفس الرسام وقد رسم وزارة الزراعة وعلي مداخلها أسراب من الجراد وكأنها فندق مخصص لهم وقد كتب علي مدخلها جراد أوتيل (يقصد فندق جراند أوتيل) .

الأمر لم يتوقف أو يقتصر عند ذلك الحد بل امتد الحشد ويفتي مفتي مصر بضرورة أكل الجراد كمادة غذائية لا ضرر منها وكأحد أدوات المقاومة !! مما دعاني أن أقوم بتحضير أو تخيل بعض المشاهد التي من الممكن أن تحدث في ربوع المحروسة بعد صدور فتوي المفتي.

واحدة لزميلتها : عماد خطيبي بيحبني موت حتي أكتر من نفسه إتأكدت من الحكاية دي لما إداني ساندوتش الجراد وهوه خد ساندوتش فلافل .

فلاح لزميل له : هوه إنت يا وله يا هنداوي كنت فاكر إن طيور السمان هيه بس إللي بتيجي لنا في الخريف ؟ طب د اللي أجمل منها بأه طيور الجراد.

الزوج لزوجته : إنتي يا ولية يا مجنونة أقولك إعملي لنا حلة محشي تقومي عاملة حلة جراد.

واحد لزميل له : لا يا سيدي أصل إسماعيل زميلنا جد ومتدين شوية من ساعة ما سمع بالفتوي وهوه قرر يفطر جراد بدال الفول .

واحد مسافر الخارج : يا حسنين يا أخويا إسمع كلامي خد معاك إحتياط 5 كيلو جراد يمكن ما تلاقيش هناك الحاجات دي .

واحد لزميل له : فراخ إيه إنت كمان؟ بقولك حسنين بيه من أكبر ملاك مزارع الجراد في مصر تقوللي فراخ ؟.

واحد لصديق له : نظرية مؤامرة إيه إنت كمان ؟ هيه لو نظرية مؤامرة برضه كانت إسرائيل ترسل لنا جراد ومحصول غذائي بالشكل ده هيه الحداية بترمي كتاكيت؟.

واحد لصديق له : والله حكاية شجر العنب واللبلاب دي بقت موضة قديمة انا قلت أربي الجراد واضرب عصفورين بحجر واحد منه أظلل علي البيت ومن ناحية تانية أستعيض بيه مكان الفراخ والطيور .

التلميذ في حصة الدرس : وتوجد البروتينات في اللحوم والأسماك والبيض والجراد .

واحد لصديق له : لا الدكتور سعيد عقبال أمالتك بأه بعد ما كان معيد في قسم الحشرات عينوه دلوقتي أستاذ لقسم التغذية وعلم الجراد .

التلميذ لوالدته : الواد تامر ده طفس يا ماما تصوري اكتشفت إنه سرق مني ساندوتش الجراد إللي إنتي إديتيه لي الصبح .

الأم لابنتها : مصروف إيه كل يوم يا ست نهلة إللي إنتي عايزاه مش معاكي ساندوتشات الجراد لازمته إيه بأه المصروف ؟ .

جرسون في المطعم ها تحبوا تاكلوا إيه يا جماعة ؟ عندنا شربة بالكوارع .. وأرانب بالملوخية .. وصلصلة بالجراد .

زوجة لصديقتها : والنبي جوزي ده فايق ورايق .. تصوري أوصيه يجيب 3 كيلوا جراد قام جاب لي 3 كيلو سمك كابوريا ؟ .

salemsbm@hotmail.com

المصدر